Welcome

የ'አዲስ:ዜና'ን መተግበሪያ ያውርዱ

የተሻለ የንባብ ተሞክሮ ለማግኘት እና የቅርብ ጊዜ ዜናዎችን ለማየት መተግበሪያውን ያውርዱ።!

Download
Cancel
Image:AddisZena
አዲስ ዜና | Addis Zena
ህገወጥ የንግድ እንቅስቃሴዎችን ስለማጋለጥ
አቶ መላኩ አለበል

መስከረም 4/2014 (ዋልታ) ህብረተሰቡ ህገወጥ የንግድ እንቅስቃሴዎችን ሲያይ ጥቆማ መስጠት እንዳለበት የንግድ እና ኢንደስትሪ ሚኒስትር አቶ መላኩ አለበል ገለጹ፡፡

እየተስተዋለ የለውን የዋጋ ንረትና የኑሮ ውድነት ለመከላከል ግብርኃይል ተቋቁሞ ወደ ተግባር መግባቱ ይታወቃል፡፡

በፌዴራል ደረጃ የተቋቋመው ዋጋ ማረጋጊያ ግብርኃይል ሰሞኑን በኦሮሚያ፣ ደቡብ፣ ሲዳማ፣ አማራ ክልሎች እና በአዲስ አበባ ዙሪያ በንግዱ ዘርፍ እየተስተዋሉ ያሉ ችግሮችን አስመልክቶ የመስክ ቅኝት አድርጓል፡፡

በዚህም ምርት መደበቅ፣ ሱቅ መዝጋት፣ የሽያጭ ደረሰኝ ያለመስጠትና ቢሰጡም የሚሸጡበት ዋጋና ደረሰኝ ላይ የሚጻፈው ዋጋ መለያየት፣ የዋጋ ዝርዝር ያለመለጠፍ፣ የደላሎች በሁሉም የግብይት ቦታዎች ደላላዎች መግባት የተስተዋሉ ዋና ዋና ችግሮች መሆናቸው ተመላክቷል፡፡

የንግድና ኢንዱስትሪ ሚኒስትር አቶ መላኩ አለበል መንግስት የህልውና ዘመቻ እያካሄደ ባለበት ወቅት እንደዚህ ያለ የኢኮኖሚ አሻጥር መፍጠር በሸማቹ ማህበረሰብ ላይ ኢኮኖሚያዊ ጫና ለመፍጠር የሚደረጉ እኩይ ተግባራት ተቀባይነት አይኖራቸውም ብለዋል፡፡

ለኑሮ ውድነቱ መባባስ እንደ ትልቅ ተግዳሮቶች ከሚጠቀሱ ጉዳዮች ወስጥ በግብይት ሂደቱ የህገ-ወጥ ደላሎች ጣልቃ ገብነት እንዱ መሆኑን ጠቅሰው፣ እነዚህ እና መሰል የሥርዓት አልበኝነት ችግሮችን ከስሩ ለማድረቅ ሚኒስቴሩ ከፌዴራል ፖሊስ እና ከሚመለከታቸው ባለድርሻ አካላት ጋር በቅንጅት እየሰራ መሆኑን ገልጸዋል፡፡

የሚኒስቴሩ ስራ ግቡን ሊመታ የሚችለው የህብረተሰቡ ንቁ ተሳትፎ ሲታከልበት መሆኑንም ሚኒስትሩ ተናግረዋል፡፡

በዚህም ህብረተሰቡ ህገወጥ ደላሎችንና ማንኛውንም ህገ-ወጥ የንግድ እንቅስቃሴ ሲመለከት ለሚመለከታቸው የፀጥታ አካላት ጥቆማ በመስጠት ቀና ትብብር እንዲያደርግ መጠየቃቸውን ከሚኒስቴሩ ያገኘነው መረጃ ያመለክታል፡፡

logoWalta rc9 cc0
Copyright © All rights reserved | Marvellous LLC