Welcome

የ'አዲስ:ዜና'ን መተግበሪያ ያውርዱ

የተሻለ የንባብ ተሞክሮ ለማግኘት እና የቅርብ ጊዜ ዜናዎችን ለማየት መተግበሪያውን ያውርዱ።!

Download
Cancel
Image:AddisZena
አዲስ ዜና | Addis Zena
የዳያስፖራውን ጉብኝት የሚያስተባብር የልዑካን ቡድን አዲስ አበባ መግባት
የዳያስፖራውን ጉብኝት የሚያስተባብር የልዑካን ቡድን

ጳጉሜ 03/2013 (ዋልታ) ኢትዮጵያዊያንና ትውልደ ኢትዮጵያዊያን በአዲሱ ዓመት መጀመሪያ ላይ በኢትዮጵያ የሚያካሂዱት ጉብኝት የሚያስተባብር የልዑካን ቡድን ዛሬ አዲስ አበባ ገባ።

የልዑካን ቡድኑ ቦሌ አለም ዓቀፍ አውሮፕላን ማረፊያ ሲደርስ የቱሪዝም ኢትዮጵያ የስራ ኃላፊዎች አቀባበል አድርገውለታል።

የኢትዮጵያ ዳያስፖራ ተግባር ምክር ቤት ባዘጋጀው “እንቁጣጣሽ ኢትዮጵያ የፍቅር ጉዞ” በሚል መሪ ሀሳብ መርኃግብር ከጳጉሜ ወር 2013 ዓ.ም ጀምሮ እስከ ጥቅምት 15 ቀን 2014 ዓ.ም የሚካሄድ ነው።

ዛሬ ወደ ኢትዮጵያ የገቡት መርኃግብሩን የሚያስተባብሩት ስድስት የምክር ቤቱ የስራ አስፈጻሚ ኮሚቴ አባላት ሲሆን፣ ከሰሜን አሜሪካ፣ እስያ፣ አፍሪካ፣ አውሮፓና መካከለኛው ምስራቅ የሚመጡ 500 ዳያስፖራዎች የሚሳተፉበት ነው ተብሏል።

በመርኃግብሩ ዳያስፖራው “ዓባይን እንጎብኘው” በሚል መሪ ሀሳብ የታላቁ የኢትዮጵያ ሕዳሴ ግድብ ግንባታ ያለበትን ደረጃ እንደሚጎበኝና የግድቡን ሰራተኞች እንደሚያበረታቱም ይጠበቃል።

የሸገር ማስዋብና በገበታ ለአገር ፕሮጀክት የተካተተው ጎርጎራ የጉብኝቱ አካል እንደሚሆንም የኢዜአ ዘገባ ያመለክታል።

logoWalta rc4 cc0
Copyright © All rights reserved | Marvellous LLC