Welcome

የ'አዲስ:ዜና'ን መተግበሪያ ያውርዱ

የተሻለ የንባብ ተሞክሮ ለማግኘት እና የቅርብ ጊዜ ዜናዎችን ለማየት መተግበሪያውን ያውርዱ።!

Download
Cancel
Image:AddisZena
አዲስ ዜና | Addis Zena
የኢንዱስትሪ ግብዓት እና የሀገር ውስጥ የምግብ ፍላጎትን ለማሟላት እየሠራ ያለው የግብርና ሚኒስቴር
አቶ ዑመር ሁሴን

መስከረም 7/2014 (ዋልታ) የግብርናው ክፍለ ኢኮኖሚ መዋቅራዊ ሽግግርን በማፋጠን የኢንዱስትሪ ግብዓት እና የሀገር ውስጥ የምግብ ፍላጎትን ለማሟላት እየተሠራ እንደሚገኝ የግብርና ሚኒስትሩ አቶ ዑመር ሁሴን ገለጹ።

የግብርና ሚኒስቴር ከተጠሪ ተቋማት ጋር በመሆን በ2013 የግብርናው ክፍለ ኢኮኖሚ አፈፃፀም እና በ2014 ዓ.ም ዕቅድ ዙሪያ በሐዋሳ ምክክር እያደረገ ይገኛል።

በመድረኩ ንግግር ያደረጉት የግብርና ሚኒስትሩ አቶ ዑመር ሁሴን፣ ባለፈው ዓመት የግብርና ምርታማነትን ለማሳደግ የሚያስችሉ ወሳኝ ሥራዎች መከናወናቸውን ገልጸዋል።

በተለይም በቆላ ስንዴ ልማት ለኢንዱስትሪ ግብዓት እና የሀገር ውስጥ ፍላጎትን ለማሟላት የተጀመሩ ሥራዎች ውጤታማ ነበሩ ብለዋል።

የአረንጓዴ አሻራ፣ የግብዓት አቅርቦት እንደዚሁም ለአርሶ አደሩ እና አርብቶ አደሩ ወቅታዊ የግብርና መረጃዎች ተደራሽነት ላይ ሰፊ ሥራዎች ስለመሠራቱ አንስተዋል።

ለሀገራዊ ኢኮኖሚው መዋቅራዊ ሽግግር መሠረት ለመጣል የፖሊሲ እና የሕግ ማዕቀፍ ማሻሻያዎች የተደረጉበት ዓመት እንደነበርም አቶ ዑመር አስረድተዋል።

ይሁን እንጂ በምርት ዘመኑ የበረሃ አንበጣ እና የግሪሳ ወፍ መንጋ ሰብል በመጉዳት የግብርና ምርት ላይ ተፅዕኖ ማድረሳቸውን ጠቅሰዋል።

ዘንድሮም ሊከሰቱ የሚችሉበት አጋጣሚ ሊኖር እንደሚችል ቅድመ ትንበያዎች እንደሚያመላክቱም ገልጸዋል።

ኢቢሲ እንደዘገበው ለሁለት ቀናት በሚካሄደው የምክክር መድረክ ላይ የሁሉም ክልሎች ተወካዮች ያለፈው ዓመት አፈፃፀም አቅርበው ውይይት የሚደረግ ይሆናል።

logoWalta rc9 cc0
አሁን የናኙ
አሁን የናኙ
Copyright © All rights reserved | Marvellous LLC