Welcome

የ'አዲስ:ዜና'ን መተግበሪያ ያውርዱ

የተሻለ የንባብ ተሞክሮ ለማግኘት እና የቅርብ ጊዜ ዜናዎችን ለማየት መተግበሪያውን ያውርዱ።!

Download
Cancel
Image:AddisZena
አዲስ ዜና | Addis Zena
ለልማትና ገፅታ ግንባታ ስራዎች የዳያስፖራው ትኩረት
አቶ አለባቸው ደሳለኝ

መስከረም 3/2014 (ዋልታ) ዳያስፖራው ለልማትና ገፅታ ግንባታ ስራዎች ከፍተኛ ትኩረት ሰጥቶ እየሰራ መሆኑን የኢትዮጵያ የዲያስፖራ የተግባር ምክር ቤት ገለፀ።

የተግባር ምክር ቤቱ ተወካይ አቶ አለባቸው ደሳለኝ ለህዳሴ ግድብ የተለያዩ ድጋፎችን በማድረግ 65 ሚሊየን ህዝብ ከኩራዝ፣ ከሻማና ከጧፍ ወጥቶ የዚህ ዘመን ቴክኖሎጂ ተቋዳሽ እንዲሆን እያንዳንዱ ዳያስፖራ በርትቶ በመስራት ላይ እንደሚገኝ ገልጸዋል፡፡

ገበታ ለሀገር የክብር እራት ላይ በመሳተፍ ገቢውን ለፓርኮች ልማት እንዲውል ለማድረግ እንቅስቃሴ መጀመራቸውንም ተናግረዋል።

ጀግንነት በጦር ሜዳ ብቻ አይደለም ያሉት አቶ አለባቸው፣ በዲፕሎማሲው ላይ ጫና በማድረግ የውጭ ኃይሎች እጃቸውን ከኢትዮጵያ ላይ እንዲያነሱ ለማድረግ ከፍተኛ ስራዎች እየተሰሩ መሆናቸውንም ጠቁመዋል፡፡

‹‹በዚህ ረገድ በአኩራፊ ዲፕሎማቶች ውድቀት ኢትዮጵያ እየተጎዳች ነው፤ አንዳንድ አምባሳዳሮች አንድ ቀን እንኳን በሚዲያ ቀርበው ለኢትዮጵያ ለመሟገት ያልቻሉ አሉ፤ በዲፕሎማሲው ዘርፍ መንግሥት ወሳኝ የሆነ እርምጃ በመውሰድ ለሀገራቸው ጥቅም የሚሰሩ ዲፕሎማቶችንና ባለሙያዎችን በመመደብ የተሻለ ስራ ሊሰራ ይገባል›› ማለታቸውን ኢፕድ ዘግቧል፡፡

logoWalta rc11 cc0
Copyright © All rights reserved | Marvellous LLC