Welcome

የ'አዲስ:ዜና'ን መተግበሪያ ያውርዱ

የተሻለ የንባብ ተሞክሮ ለማግኘት እና የቅርብ ጊዜ ዜናዎችን ለማየት መተግበሪያውን ያውርዱ።!

Download
Cancel
Image:AddisZena
አዲስ ዜና | Addis Zena
በንግድ ስራ አመቺነት ኢትዮጵያን ከምርጥ ሀገራት ተርታ የማሰለፍ ዕቅድ
አቶ ወንድአጥር መኮንን

መስከረም 4/2014 (ዋልታ) ኢትዮጵያን በ2021 በንግድ ስራ አመቺነት ከአለማችን መቶ ምርጥ ሀገራት ተርታ ለማሰለፍ እየተሰራ መሆኑን የንግድና ኢንዱስትሪ ሚኒስቴር አስታወቀ።

የንግድ ስራ አሰራሩን በአጭር ጊዜ በኦንላይን በማድረግ ሙስናና ብልሹ አሰራሮችን ለማስቆም ይረዳል ተብሏል።

በንግድና ኢንዱስትሪ ሚኒስቴር የሚኒስትሩ የኮሙዩኒኬሽን አማካሪ አቶ ወንድአጥር መኮንን እ.ኤ.አ በ2006 መጀመሪያ ወር ላይ ከ190 ሀገራት ውስጥ ኢትዮጵያ 96ኛ ደረጃ ስትይዝ ቻይና 108ኛ ይዘው እንደነበር አስታውሰው፣ አሁን ላይ ኢትዮጵያ 159ኛ ቻይና ደግሞ ደረጃዋን አሻሽላ 15ኛ ደረጃ ላይ ይገኛሉ ብለዋል።

ኢትዮጵያ እስካሁን ድረስ ደረጃዋ ያልተሻሻለው አብዛኛዎቹ ህጎች ለንግድ አሰራርና ለኢንቨስትመንት አመቺ ባለመሆናቸው ሲሆን፣ በአሁኑ ወቅት አሳሪ ህጎቹ በመሻሻል ሂደት ላይ መሆናቸውን አቶ ወንዳጥር ከኢትዮጵያ ፕሬስ ድርጅት ጋር በነበራቸው ቆይታ ገልጸዋል።

አሰራሮች እንዳይሻሻሉ ያለፉት የፖለተካ ሂደቶች እንቅፋት መፍጠራቸውን ያስታወሱት አማካሪው፣ ጠቅላይ ሚኒስትር ዐቢይ አሕመድ (ዶ/ር) ወደ ስልጣን ከመጡ ጊዜ ጀምሮ የንግድ ስራን አመቺ የማድረግ ስራ በአስቸኳይ መስተካከል እንዳለበት በወሰዱት ተነሳሽነት 12 ተቋማት በተሳተፉበት ህጎች እንዲሻሻሉ ተደርገዋል ነው ያሉት።

እንደ አቶ ወንድአጥር ገለጻ፤ የውጭ ኢንቨስተሮች በአንድ ሀገር ኢንቨስት ለማድረግ ቅድሚያ የሚመለከቱት ለንግድ ስራ አመቺ መሆኑን ነው።

የንግድ ሥራ አመቺነት ትግበራ የንግድ ዘርፉን ተወዳዳሪነት በከፍተኛ ደረጃ ያሳድጋል፤ የስራ እድል ፈጠራን ያነቃቃል ሲሉም አክለዋል።

logoWalta rc7 cc0
Copyright © All rights reserved | Marvellous LLC