Welcome

የ'አዲስ:ዜና'ን መተግበሪያ ያውርዱ

የተሻለ የንባብ ተሞክሮ ለማግኘት እና የቅርብ ጊዜ ዜናዎችን ለማየት መተግበሪያውን ያውርዱ።!

Download
Cancel
Image:AddisZena
አዲስ ዜና | Addis Zena
ቀነኒሳ ያሰብኩን ያላሳካሁት በጤና እና በአየር ንብረት ምክንያት ነው አለ

ቀነኒሳ ያሳበውን ያላሳከው በጤና እና በአየር ንብረት ምክንያት ነው አለ

አትሌት ቀነኒሳ በቀለ በበርሊን ማራቶን ቀድሞ ያሰበውን ሳያሳካ የቀረው በጤና ጉዳይ እና በአየር ንብረት ምክንያት መሆኑን ተናገረ።

አትሌት ቀነኒሳ ትናንት በተካሄደው የበርሊን ማራቶን የዓለም ክብረ ወሰንን ለመስበር አቅዶ የነበረ ቢሆንም ውድድሩን ሦስተኛ ደረጃን ይዞ አጠናቅቋል።

በወንዶች ውድድሩን ኢትዮጵያዊው ጉዬ አዶላ በ2፡05፡45 1ኛ ሆኖ ሲያጠናቅቅ ኬኒያዊው ቤትዌል ዬጎን ቀነኒሳ በቀለን አስክትሎ በመግባት ሁለተኛ ሆኖ ጨርሷል።

ቀነኒሳ ከሁለት ዓመት በፊት እአአ 2019 በተካሄደው የበርሊን ማራቶን የዓለም ክብረ ወሰንን ለመሻሻል ሁለት ሰኮንዶች ብቻ ቀርተውት ውድድሩን ማሸነፉ ይታወሳል።

ከውድድሩ በኋላ ቀነኒሳ ለቢቢሲ እንደገለጸው ትናንት በበርሊን ከተማ የነበረው አየር ሞቃት በመሆኑ ውድድሩ በተፈለገው ፍጥነት መሄድ አልቻለም ብሏል።

"ከስምንት ወር በፊት በኮቪድ ታምሜ ነበር" ያለው አትሌት ቀነኒሳ፤ በሕመሙ ምክንያት ለአንድ ወር ያክል ልምምድ ሳያደርግ መቆየቱ ያሰበውን እንዳያሳካ እንዳደረገው ተናግሯል።

"ከዛ ሕመም አገግሜ ተመልሼ ይሄን ውጤት ማስመዝገቤ ለእኔ ጥሩ ነው። ምክንያቱም ከሁለት ዓመት በኋላ ነው ማራቶን ላይ የተወዳደርኩት" በማለት በበርሊኑ ማራቶን ኢትዮጵያውያን አትሌቶች ጥሩ ውጤት ማስመዝገባቸውን በጥሩ ጎኑ አንስቷል።

ቀነኒሳ "ውድድር እስከሆነ ድረስ ያጋጥማል። ለቀጣይ ደግሞ በደንብ ተዘጋችቼ ጥሩ ውጤት አስመዘግባለሁ ብዬ ገምታለሁ" ብሏል።

አትሌት ቀነኒሳ ከስድስት ሳምንታት በኋላ በሚካሄደው የኒው ዮርክ ማራቶን ተሳታፊ እንደሚሆን ቀደም ሲል ይፋ ተደርጓል።

logoBBC rc154 cc0
አሁን የናኙ
Copyright © All rights reserved | Marvellous LLC